Shiva Panchaakshara Stotra

नागेन्द्रहाराय त्रिलोचनाय भस्माङ्गरागाय महेश्वराय । नित्याय शुद्धाय दिगम्बराय तस्मै नकाराय नमः शिवाय ॥१॥ मन्दाकिनी सलिल चन्दन चर्चिताय नन्दीश्वर प्रमथनाथ महेश्वराय । मन्दारपुष्प बहुपुष्प सुपूजिताय तस्मै मकाराय नमः शिवाय ॥२॥ शिवाय गौरी वदनाब्ज वृन्द सूर्याय दक्षाध्वर नाशकाय । श्री नीलकण्ठाय वृषध्वजाय तस्मै शिकाराय नमः शिवाय ॥३॥ वसिष्ठ कुम्भोद्भव गौतमार्य मुनीन्द्र देवार्चित शेखराय । चन्द्रार्क वैश्वानर लोचनाय तस्मै वकाराय नमः शिवाय ॥४॥ यक्ष स्वरूपाय जटाधराय पिनाक हस्ताय सनातनाय । दिव्याय देवाय दिगम्बराय तस्मै यकाराय नमः शिवाय ॥५॥ पञ्चाक्षरमिदं पुण्यं यः पठेच्छिव संनिधौ । शिवलोकम् अवाप्नोति शिवेन सह मोदते ॥६॥